انا إيهاب محمد مهندس حاسب عندي تجربة مع شركات التدريب التي تدعى
قدرتها على التدريب على نظم المعلومات الجغرافية Gis والشركات اسمها
- gis cairo center
- gis &rs
اولا: اعلان على الفيس بوك بوجود دورة gis ويتم تدريب اى شخص ايا كان تخصصه فسوف تقوم الشركة بتدريب هذا الشخص حتى يحترف ال gis
ثانيا: عند الذهاب لمقر الشركة الكائن في 9 شارع الاطباء الدقي وجدت اسم
شركة مختلف ولما سألت عن اختلاف اسم الشركة كان الرد انهم مأجرين قاعة
للتدريب من هذه الشركة لأن المقر الأساسي فيه اصلاحات.
وكان شرط
أساسي انهم يأخذوا مبلغ 750 جنيه مقدم عشان نبتدئ الكورس. دفعتهم واخدت اول
وثاني محاضرة من أصل 8 محاضرات. وبعد كده قعدوا 3 اسابيع كل ما اروح ف
ميعادي الاقى المركز قافل. بالرغم انى بكلمهم قبل الميعاد ب ساعتين عشان
انا ساكن ف حلوان. يكون الرد اتفضل احنا ف انتظارك. اروح الاقيهم قافلين.
اخير اخدت محاضرتين كمان ... وبس. 4 محاضرات من أصل 8 وطبعا نسيت كل شيء
اخدته عشان ماكملتش. وأكلم مدير الشركة اللي اسمه احمد رضا مش بيرد عليا.
روحت المكان اللي اخدت فيه الكورس (9 شارع الاطباء) الاقى واحدة دكتورة
منقبة بتقولي انا ماليش دعوة بيهم دوول طلاب مأجرين قاعة عندي وانا ما
اعرفش أي بيانات عنهم. طب يا ست الدكتورة اخد حقي أزاي. قالتي وانا مالي.
لو حد ظهر منهم أبقي اكلمك.
اما بالنسبة لشركة gis &rs.انا اخدت عندهم ورشة العمل لاقيت طالب بالجامعة برضوا اسمة عاصم سليمان مافهمتش منها أي حاجة
اكتشفت انهم مجموعة شباب كل شوية يفتحوا شركة ويأجروا مكان داخل أي مركز تدريب وينصبوا على الناس. وأهي سبوبة.
في الاخر أحب انصح أي حد مهتم بالمجال ده يدخل كورسات فى اماكن حكومية
معتمدة زى هيئة الاستشعار عن بعد مجانى للطلاب. او التدريب الصيفى المجانى
داخل الهيئات الحكومية
و بلاش تخلى شوية طلبة تنصب عليكم.
ليست هناك تعليقات:
إرسال تعليق