خـــــــلى بالــــك يا هندسة وانت واقف عالصبه !!!
تعرف ان
لو بس فى زياده سم واحد فقط فى سمك السقف وانت بتصبه .. وكانت مساحه السقف
ده مثلا 700 متر مسطح ده هيخليك تصب 7 متر مكعب خرسانه زياده عن
الخرسانة المطلوبة للسقف !! ولو سقف اكبر هيبقى خرسانة اكتر !!
. عارف يعنى ايه 7 متر مكعب خرسانة زيادة ؟؟
... يعنى اكتر من 15 طن حمل زيادة على السقف ده و على المنشأ والاساسات !! ( تخيل بتصب كل الاسقف كده والاساسات مش متصممة على كده هتقولى ازاى ؟؟ هقولك خرسانة سقف زيادة يعنى حمل موزع زيادة بيتنقل من البلاطه للكمر للاعمدة للاساسات )
... يعنى اكتر من 15 طن حمل زيادة على السقف ده و على المنشأ والاساسات !! ( تخيل بتصب كل الاسقف كده والاساسات مش متصممة على كده هتقولى ازاى ؟؟ هقولك خرسانة سقف زيادة يعنى حمل موزع زيادة بيتنقل من البلاطه للكمر للاعمدة للاساسات )
وده غير ان فى اكتر من 3 الاف جنيه تكلفة ( تمن ال 7 متر مكعب خرسانة ) زيادة على شركتك كل سقف .. !!
طب والحل ؟
عشان تتجنب ان الموضوع ده يحصل فى طريقتين :
الطريقة الاولى : ان يكون فى ميزان قامة على السقف وكل باكية تتصب و تتساوى منها جزء يتاخد قراءة وهكذا مع كل جزء بيتصب ويتساوى وتتابع القراءات مثلا كل باكية تاخد 4 قراءات على الاطراف ونص الباكية علشان تتاكد من منسوب سطح الخرسانة انه مظبوط لا ازيد ولا اقل ..
الطريقة الثانية : شغال مع مقاول او شغال مع شركة بمواصفات عادية ومافيش ميزان قامة ( بتحصل كتير عادى ) تعمل ايه !؟ .. يبقى اثناء عملية الصب معاك عامل موجود .. تخلى العامل ده يجيب سيخ زى اللى فى الصورة كده .. وكل ماتصب جزء وتساويه يروح العامل ده عند الجزء اللى خلص ويبدا ينزل سيخ حديد يغرزه فى الخرسانة لغايه مايخبط فى الشده الخشبيه ويتاكد انه خبط فيها وبعدين يطلعه ,, هتكون الخرسانة عملت علام فى السيخ تروح حضرتك تقيس الجزء ده بالمتر تعرف سمك الخرسانه المصبوب اد ايه .
او نعمل طريقة افضل علشان مانقعدش نقيس كل شويه وكمان مانتلخبطش لان السيخ هيكون عليه خرسانة من القياس اللى قبل كده ومش هقعد امسحه كل مره وممكن اغلط فى نص سم ولا سم وانا بقيس .. بنجيب فضله حديد صغيره ونثبتها بالعرض كده بنسميها (صليبه او فراشة ) ونربطها بسلك رباط بس تتربط كويس جدا فى السيخ الطويل زى الصورة كده اللى العامل ماسكها فى ايده .. وبنحطها على مقاس بحيث تكون الفضله الحديد دى مقاسها من طرف السيخ السفلى هو ده العمق المطلوب وبكده مش هنقيس كل مرة .. هننزل السيخ بس ونشوف الخرسانة واصله فين بالنسبة للفضلة المحطوطة اللى هو نفسه العمق اللى انا عايزه ..
طب لو الفضلة الحديد دى غرزت كلها ؟؟ يبقى السمك زيادة هتقول للفورمجى اللى بيساوى .. ( معلم ,, اسحب من هنا سم الرقه عاليه ,, وبعد مايسحب نقيس وراه لغايه مانقوله تمام .. ساوى على كده !! )
.. ولو العكس نفس الكلام يسحب عليها شويه خرسانة ويساوى ونقيس وهكذا .. #منقول
طب والحل ؟
عشان تتجنب ان الموضوع ده يحصل فى طريقتين :
الطريقة الاولى : ان يكون فى ميزان قامة على السقف وكل باكية تتصب و تتساوى منها جزء يتاخد قراءة وهكذا مع كل جزء بيتصب ويتساوى وتتابع القراءات مثلا كل باكية تاخد 4 قراءات على الاطراف ونص الباكية علشان تتاكد من منسوب سطح الخرسانة انه مظبوط لا ازيد ولا اقل ..
الطريقة الثانية : شغال مع مقاول او شغال مع شركة بمواصفات عادية ومافيش ميزان قامة ( بتحصل كتير عادى ) تعمل ايه !؟ .. يبقى اثناء عملية الصب معاك عامل موجود .. تخلى العامل ده يجيب سيخ زى اللى فى الصورة كده .. وكل ماتصب جزء وتساويه يروح العامل ده عند الجزء اللى خلص ويبدا ينزل سيخ حديد يغرزه فى الخرسانة لغايه مايخبط فى الشده الخشبيه ويتاكد انه خبط فيها وبعدين يطلعه ,, هتكون الخرسانة عملت علام فى السيخ تروح حضرتك تقيس الجزء ده بالمتر تعرف سمك الخرسانه المصبوب اد ايه .
او نعمل طريقة افضل علشان مانقعدش نقيس كل شويه وكمان مانتلخبطش لان السيخ هيكون عليه خرسانة من القياس اللى قبل كده ومش هقعد امسحه كل مره وممكن اغلط فى نص سم ولا سم وانا بقيس .. بنجيب فضله حديد صغيره ونثبتها بالعرض كده بنسميها (صليبه او فراشة ) ونربطها بسلك رباط بس تتربط كويس جدا فى السيخ الطويل زى الصورة كده اللى العامل ماسكها فى ايده .. وبنحطها على مقاس بحيث تكون الفضله الحديد دى مقاسها من طرف السيخ السفلى هو ده العمق المطلوب وبكده مش هنقيس كل مرة .. هننزل السيخ بس ونشوف الخرسانة واصله فين بالنسبة للفضلة المحطوطة اللى هو نفسه العمق اللى انا عايزه ..
طب لو الفضلة الحديد دى غرزت كلها ؟؟ يبقى السمك زيادة هتقول للفورمجى اللى بيساوى .. ( معلم ,, اسحب من هنا سم الرقه عاليه ,, وبعد مايسحب نقيس وراه لغايه مانقوله تمام .. ساوى على كده !! )
.. ولو العكس نفس الكلام يسحب عليها شويه خرسانة ويساوى ونقيس وهكذا .. #منقول
ليست هناك تعليقات:
إرسال تعليق